~टेकब कोइराला~
बिमला !
के तिमी पनि यही बाटो जान्छौ र
यो त मैले हिँडिसकेको बाटो
अनुभूत गरिसकेको बाटो
अभ्यास गरिसकेको बाटो
यो बाटोमा कुनै चौतारी छैन
कुनै देउराली छैन ।
यो त मैले भोगिसकेको बाटो
यो बाटोमा कुनै मिठास छैन
मनोराजन छैन र
कुनै महकता छैन ।
यो त मैले बुझिसकेको बाटो
यो बाटोमा कुनै बस्न लायकको बास छैन
खान लायकको गास छैन
सृष्टि धान्नको लागि एकथोपा पुंषत्व छैन ।
छ त केवल
निष्पट्ट अन्धकार छ
यत्रतत्र सन्त्रास छ
निराशा छ अिन
तिमीले सोच्दै नसोचेको गहिरो भुमरी छ ।
बिमला !
के तिमी पनि यही बाटो जान्छौ र
(स्रोत : बेग साप्ताहिक, कटारी)
