~विजयदेव भट्टराई~
माफियाको द्रव्य पचाउन
दलाली पाचक खाई सुतेको छ सरकार
अब डा.केसी चिन्दैन
तर पेटभित्रै औजार हालेर
सिलाएर मरेकी श्रीमतीका श्रीमानहरु
गलत उपचार र औषधिले
बा-आमा गुमाएका छोरा-छोरीहरू
काट्नै नपर्ने अंग काटिदिएर
अपांग संज्ञा पाएकाहरू
नक्कली डाक्टर निकाल्ने मेडिकल कलेजमा
छोरा-छोरी भर्ना गरेर पछुताएका अभिभावकहरू ,
अनि त्यस्तै भविष्य रोज्नेहरू
कति कोमल र महान् छ तिम्रो भावना
यो सरकारलाई माफ दिएर नमन गर्नेहरू हो !
तर के कहिलेकाहिं
ओसिएको गन्ध र चित्कार आउँदैन आफन्त र लाशको ?
(स्रोत : Hulaki)
