~सजना गुरूंग~
सक्छौ भने देशको माया भरिएको मन देउ मलाई !
नशा नशामा स्वाभिमान बगिएको तन देउ मलाई !
आजको हिंसात्मक् द्वन्द र प्रतिसोधको अन्त्यगरी
अलौकिक प्रेमपूर्ण शान्तिमय क्षण देउ मलाई !
परिसश्रमी र पौरखी नेपालको भाग्य कोर्न अग्रसर
देशको निम्ति मरिमेट्ने देशप्रेमी जन देउ मलाई !
समस्या र विकृति ल्याउने स्वार्थी विवेक होइन
सुपरिवर्तन ल्याउने ज्ञान र नेपाली पन देउ मलाई !
सक्छौ भने देशको माया भरिएको मन देउ मलाई !
नशा नशामा स्वाभिमान बगिएको तन देउ मलाई !
(स्रोत : NRNaksa)
