~ज्योतिराज अधिकारी~
के थियो र मेरो के हुनेछ भोलि
सबै सबै यहि छाडेर जानेछु ।
केही आस्था केही विश्वाश
केही चाहना लिएर जानेछु ।
म खरानी भएपछी केहीबेर
मेरो चर्चा होस्,
म नभए पनि कहिले काहि
मेरो कुरा होस् ।
यही चाहन्छु म, यहि चाहन्छु म ,
यहि यत्ति चाहन्छु म ।
के थियो र मेरो के हुनेछ भोलि
जे लिएको थिए सबै फिर्ता गरेर जनेछु ।
केही स्नेह, केही सदभाव
केही ममता लियेर जाने छु ।
मैले गरेको कामले कसैको भलो होस्
मेरा शीजनाहरूले जग उज्ज्वल होस् ।
यही चाहन्छु म, यहि चाहन्छु म ,
यहि यत्ति चाहन्छु म ।
1996, Dharwad India
(स्रोत : Weallnepali)
