गजल : अचानोमा शिर राखिदियो

~कपिल अञ्जान~

उसले अचानोमा शिर राखिदियो
अनि तराजुमा शरीर राखिदियो

बनाउनेले कस्तो अजिब बनायो
मुटु राखिदियो पीर राखिदियो

हेरौं क–कसले के–के पाउँछन्
गरिबको बस्तीमा मन्दिर राखिदियो

कहिले पुगुँला म गन्तव्यमा
मेरो बाटोभरी भिर राखिदियो

जाउ बचाउ अब त्यो चेहरालाई
आगोको माथि तस्वीर राखिदियो

पत्थरमा ठोकुँ या पत्थरले ठोकुँ
अञ्जानको तकदिर स्थिर राखिदियो

कोहलपुर–२, बाँके

(स्रोत : Nepali Gazal – Facebook)