~दिप्स शाह~
धेरै भयो सम्झनामा तिमी नआएको
हृदयको सुनाखरी फुल्न नपाएको
घाम जून दिनपनी लाग्नै छोड्यो प्यारो
मनको बागमा परिरैछ हरदम तुषारो
झल्को आउँछ गुराँश टिपी शिरमा लगाएको
उकाली र ओरालिमा तिम्ले सघाएको
युगै भयो सपनिमा तिमी नआएको
हृदयको सुनाखरी फुल्न नपाएको
धेरै भयो सम्झनामा…..
कल्पनामै आएपनी मनमा खुशी फुल्थ्यो
तिम्रै नाम फूलपात डालीडाली झुल्थ्यो
याद आउँछ सँगसङ्गै खुशी सजाएको
सुसेलिको भाका हाली नजिक बोलाएको
धेरै भयो सम्झनामा तिमी नआएको
हृदयको सुनाखरी फुल्न नपाएको
रचनाकाल: 12/8/2011
दीप्स शाह
deepssanu@gmail.com
(स्रोत : Milankosansar)
