~नन्दलाल आचार्य~
कहिल्यै नजलेकी
यसवर्ष तिमी जल्न पुग्यौ
कहिल्यै त्यत्तिविघ्न नगलेकी
यत्तिखेर तिमी असाध्यै गल्न पुुग्यौ
हुन त हो ,
कही नभाको जात्रा हाँडी गाउँमा
यो पनि यहीँ
त्यो पनि यहीँ
सबै यहीँमात्र छ
र त धुलो उडिरहेछ
र पो असाध्यै ज्वाराभाटा चलिरहेछ ।
एक गर्भवतीकै रुपमा
तिमी धेरै कालसम्म विस्तारामा थियौ
अब भने ,
पलपलमा तिमीले इतिहास रच्नुपर्ने भयो ।
नयाँ वसन्तको आगमन सँगसँगै
हज्जारौं भञ्ज्याङ्गहरु जोड्नुपर्ने भयो ।
हरेक जलेका स्थानहरुमा नयाँ पालुवाले भर्नुपर्ने भयो ।
धन्य, चन्द्र–सूूर्य अंकित ध्वजा !
तिमी छौ
र पो म तिम्रो छहारीमा छु
र अरुहरु पनि
एकताको अंगालोमा बाँधिएका छन्
आस्था र विश्वासको पछ्यौरीले बाँधिएका छन् ।।
तपेश्वरी : १, उदयपुर, मो. नं ९८४२८२९२०६
MAY 25, 2010
(स्रोत : Nandalal Acharya’s Blog)
