~तिब्वत दर्लामी~
मेरो मनमा व्यथाहरू सरेको दिन हो आज
पराईले तिम्रो सिउँदो भरेको दिन हो आज
तिमी र मैलेसँगै सजाएका सपनाहरू
सिसासरी चर्किएर झरेको दिन हो आज
सगै-सँगै बुनेका ती रहरका बुट्टाहरू
टुक्रा-टुक्रा पार्दै घात गरेको दिन हो आज
देउरालीमा खाएको बाचा कसम् तोडी गयौ
मेरो आस्था मेरो विश्वाश् मरेको दिन हो आज
तिम्रो याद मेटाउन के-केसम्म गरेँ मैले
यी नशाको सहारामा परेको दिन हो आज ।
तिब्वत दर्लामी
काभ्रे, साल्धारा
(स्रोत : Fyangkhola )
