~नन्दलाल आचार्य~
अरबको वालुवाभन्दा लाखौँ गुना माथि छ
दुःख बेच्न वालुवा टेक्ने मेरो मिल्ने साथी छ ।
भेडा,उँट डोहोर्याएर टाढाटाढा पुग्छ ऊ
खानेसुत्ने ठेगान हुन्न त्योभन्दा त जाति छ।
मर्यो भने भेडा,उँटकै भाउ मात्रै मिल्दा त
भन्ने गर्छ अरबलाई मानवकै घाती छ।
विकासको भुइँचालोमा हामी त्यसै तर्सन्छौँ
गाह्रो पर्छ ठम्याउन दिन हो कि राती छ ।
स्वर्ग देख्ने हरियालीमा बानी उसको एउटै
टाढै बसी नेपाललाई माया गर्ने छाती छ।
तपेश्वरी : १, उदयपुर, मो. नं ९८४२८२९२०६
हालः– लिटिल फ्लावर सेकेण्डरी स्कूल, राजविराज–९, सप्तरी ।
JULY 20, 2010
(स्रोत : Nandalal Acharya’s Blog)
