~विजय सुब्बा~
के गर्नु मेरो रगतै पानी भएपछि
सधैं नै तलुवा चाट्ने बानी भएपछि
कहिले दिन फिर्छ हँ यी कालीहरूको
महिला भन्ने नै हठात् रानी भएपछि
छिः पानी राजनीतिको भयो गनाउने
या“का पौडीवाजहरू नानी भएपछि
यो केही हैन रहेछ संसद् भन्या पनि
जो सदा झूटहरूको खानी भएपछि
यो अधोगति देशको नरोकिने भयो
यस्तै त होला मूर्ख नै ज्ञानी भएपछि
हो यस्तै हुन्छ भनेर भनेकै त थे’नि
के गर्छस् विजय रोएर हानि भएपछि
तेह्रथुम
(स्रोत : वेदना साहित्यिक त्रैमासिक, पूर्णाङ्क ६५, वर्ष २९, अंक १, असार २०५९ )
