~कल्पना ‘भाबुक’~
(१)
तिमी बिना जिन्दगी यो चल्दैन झैँ लाग्न थाल्यो
छाडि गए मनको दीप बल्दैन झैँ लाग्न थाल्यो
तिम्रै सम्झनामा चल्छ मुटुको यो धड्कन पनि
तिमी बिना अर्थी मेरो जल्दैन झैँ लाग्न थाल्यो |
(२)
आऊ प्रिय दुवै मिलि एउटा कसम खाउँ आज
हाम्रो माया अमर पार्ने मिठो गीत गाउँ आज
अग्निलाइ सांछी राखी बा आमालाई मनाएर
जीवन भरी नछुटिने अमर प्रित लाउँ आज |
(३)
नाम मात्र फरक हाम्रो तर जीवन दाता एउटै
घर मात्र फरक हाम्रो तर ओढ्ने छाता एउटै
भाषा फरक भेष फरक देश फरक भय पनि
टाउको देखि खुट्टा सम्म सबैको छ गाता एउटै|
(४)
केहि बर्ष टाढा हुँदा परिवेस बदलिएछ
पराई देशको संगतले मेरो भेष बदलिएछ
खान्छु उस्तै बोल्छु उस्तै नेपाल कै छोरी हुँ म
नसोच्नु है मैले टेक्ने आफ्नै देश बदलिएछ|
*
कल्पना भाबुक
काठमाडौँ
हाल इजराएल
(स्रोत : Shabdahar )
