~बासु श्रेष्ठ~
म फूल हुँ
मायाको रुप हुँ
प्रेमको स्वरुप
सुवासको वास हुँ
निरासको आश
सौन्दर्यको द्योतक हुँ
कोमलताको प्रतिक
समर्पणको उदाहरण
म फूल हुँ……
म फूल हुँ
इष्र्या र व्देषको अन्त्य हुँ
घृणा र हिँसाको विनास हुँ
म फूल हुँ
म फूल हुँ
प्रत्येक हत्केलामा फुल्न चाहने
हरेक मुटुमा बस्न चाहने
प्रत्येक नयनका सुस्वप्न बन्न चाहने
म फूल हुँ
म फूल हुँ
भीरमा फुलिदिन्छु
पखेरीमा पनि हाँसिदिँँन्छु
लेक बेसी पहाड मैदान
जताततै फुलिदिन्छु
म फूल हुँ
म फूल हुँ
माली विना फुलिदिन्छु
मालीसाथ फुलिदिन्छु
काँडामाझ हाँसिदिन्छु
दुख पीडा नासिदिन्छु
म फूल हुँ
उड़ब्रिज, भर्जिनीया
(स्रोत : Khasskhass)
