~रजनी राई~
सपनी भै टुटे आज ती तिम्रा-मेरा साथहरु
अध्यारो भै ढले आज ती पूर्णीमाका रातहरु
हात मागेउसाथ मागेरआखिरीमा बचन तोड्यौ
कति कठोर हुदा रैछन निष्ठुरी बातहरु
अन्तै नाता जोड्न रैछ अर्केको हात थाप्नु रैछ
नमागेकै भए हुन्थ्यो ती छुटाई लाने हातहरु
आधा मुटु टुक्राएर आधा जीवन बाच्दैछु
साथ छोडेउ टाढा भएउ हानी गएउ लातहरु
विना मेरो साथ पनि सुखी हुनु सधै तिमी
मलाई दिएउ ठिकैछ उनलाई नदेउ घातहरु
रजनी राई
गोगने-९ भोजपुर
एम.एड. प्रथम वर्ष सुकुना
(स्रोत : Ekabita.blogspot.com)
