~निर्मला अवस्थी~
सबै कुरा बिर्स्यौ अरे टाढा गई बसेपछी
आफ्नी काली संझन्नौ रे गोरीसंग फँसेपछी।।
सुन्छु तिम्रो घरजम पनि उतै हुने भयो
छाड्न मन लागेन रे पिरतीले कसेपछी।।
डाँडाकाँडा चढ्नु पर्ने खान पनि दु:ख थियो
सुख पाएँ भन्छौ अरे विदेशमा पसेपछी।।
भन्थ्यौ तिमी फूल जस्ती हेरिरहु जस्तो लाग्छ
देख्यौ राम्री उसैलाई लाली पाउडर घसेपछी।।
म पनि त किन बस्नु कुरी तिम्रो घरबारी
द्यौता मानी पुजेपनि सर्प बनी डसेपछी।।
April 19, 2011
(स्रोत : रचनाकारको ब्लगबाट सभार)
