~लीला बास्तोला~
एक्लिएछु संसारमा तिम्रो मिठो साथै छैन
सँगै जिउने वाचा थियो आज तिम्रो हातै छैन।
कति पिउनु रातभरी बोटलहरु रित्तिसके
रक्सिको त के कुरा तिम्रो मिठो मातै छैन
सोंचेको थे कल्पनामा फूल एउटा रोप्छु भनि
बँगैचा यो उजाड भयो तिम्रो मिठो पातै छैन।
मन भरी कुरा खेल्छ सँधै एक्लै बस्छु जब
कल्पनाको के अर्थ भो तिम्रो चोखो रातै छैन
कोलाहल छ चारैतिर मन तर सुन्य नै छ
कोइलीलाई बर्साउने तिम्रो मिठो बातै छैन।
एक्लिएछु संसारमा तिम्रो मिठो साथै छैन
सँगै जिउने वाचा थियो आज तिम्रो हातै छैन।
August 15th 2007 – लीला बास्तोला / ईटाहरा, मोरङ्ग,
(स्रोत : DCNEPAL.com)
