~ज्ञानेन्द्र गदाल~
रिसले होइन मायाले पो, संसार जितिन्छ
आफ्नै मनभित्र खोज, बुद्ध भेटिन्छ ।
सत्कर्मले जिन्दगीलाई, बाटो देखाउंछ
सत्धर्मले जिन्दगीलाई, जिउन सिकाउँछ
दुवै मिले शान्ति छाउँछ, दुख मेटिन्छ
आफ्नै मनभित्र खोज, बुद्ध भेटिन्छ |
मृत्यु आखिर जिन्दगीको, अन्तिम सत्य हो
बाँचुन्जेल शान्तिसंग, बाँच्ने लक्ष्य हो
अहिंसाको मार्ग रोज, युद्ध जितिन्छ
आफ्नै मन भित्र खोज, बुद्ध भेटिन्छ ।
(२५५७ औं बुद्धजयन्तिको अवसरमा शान्तिको निम्ति शुभकामना )
(स्रोत : रचनाकारको फसबुकबाट सभार )
