~चट्याङ मास्टर~
देश बचाउने कुरा छोड्नुहोस् न प्लिज,
देशलाई केही भएकै छैन,
बचाउनुपर्ने नेपालीलाई हो,
विचरोलाई मारेर भ्याएकै छैन !!
प्रजातन्त्र जोगाउने कुरा छोड्नुहोस् न प्लिज,
प्रजातन्त्रलाई केही भएकै छैन,
जोगाउनुपर्ने त स्वतन्त्रता हो,
त्यो चैं मासेर भ्याएकै छैन !!
देशको भविष्यको कत्रो चिन्ता तपाईंलाई,
भविष्य त अझै आएकै छैन,
आएको त एउटा वर्तमान हो अहिले
यसको चिन्ताले छोएकै छैन !!
देशको अवस्थाप्रति तपाईं चिन्ता व्यक्त नगर्नुहोस् न प्लिज !
तपाईंको अवस्था देखेर देश नै शोक सन्तप्त छ,
चल्नुपर्ने देश हो, तपाईं होइन,
तपाईं चलेको देखेर देश चलेकै छैन !!
(स्रोत : Saptahit – Kantipur.com)
