~गिरेन्द्र प्रधान~
खुट्टा ढोग्नु परे पनि परोस् ।
चाकडी गर्नु परे पनि परोस् ।
पार्टी नै फुटाउनु परे पनि परोस् ।
पाए सम्म ठुलो पद,
नभए सानो भए पनि हुन्छ ।
यसपालि त सत्तामा पुग्छु-पुग्छु ।
सकेसम्म शहरमा नै,
नभए तराइमा भए पनि हुन्छ ।
त्यो पनि नभए पहाडमा नै भए पनि ।
एउटा सानो-तिनो महल ठडाउनेछु ।
सकेसम्म पेजेरो, प्राडो नै ।
नभए नानो भए पनि चढ्नेछु । । ।
म त आएको हु संविधान बनाउन ।
पहिले आफुनै बन्नु पर्छ ।
अहिले देखि जनताको चिन्ता गर्न थाले,
मेरो चिन्ता कसले गर्छ । । । । । ।
– गिरेन्द्र प्रधान
girendra_g7@hotmail.com
