~चट्याङ मास्टर~
तरकारी बेच्नेले भोलि, अर्कै टोकरी ल्याउँछ
आलु गोभी, प्याजको सट्टा, बोली बेग्लै लगाउँछ।
“लिनुहोस् लौ गृहमन्त्री, अर्थमन्त्री रसिलो छ
चाँडै पाक्ने प्रधानमन्त्री, न्यायमन्त्री कलिलो छ,
ताजा छ जलश्रोतमन्त्री, सस्तो मोल लगाउँछु
चारोटा किन्नुहोस् मन्त्री, यौटा फोसा चढाउँछु।
रातो, कालो, सेतो छ हुजूर, आफ्नो मनपसन्द किन्नुहोस्
सानो-ठूलो मिलाइदिन्छु, छानीछानी लिनुहोस्
तपाईँ त आफ्नु मान्छे हुजूर, तौलमा कमी छैन
कोही त किन्नुहोस्, हुजूर, बोहनी भाएछैन।
खुद्रा व्यापारी छु हुजूर, पार्टी बेच्ने छैन
दु-चार झोला मन्त्री छ हुजूर राजनीति कर्नुहोस्
प्रजातन्त्रको सिजन छ हुजूर, राजनीति कर्नुहोस्
सस्तो दिन्छु अरे साहुजी, एउटा मन्त्री त किन्नुहोस्!”
(स्रोत : Pahilopost.com)
