व्यङ्ग्य कविता : बन्द

~चट्याङ मास्टर~

न स्कुल खोल्छ नेताले, न त उद्योग चलाउँछ,

आफू काम गरुँ भन्छु, ऊ जुलुसमा बोलाउँछ,

भाषण के-के ठूलै गर्छ, ताली पिट्न लगाउँछ,

आफू दुब्लाउँदै जान्छु, ऊ चैं किन मोटाउँछ ?!

नेताले खोल्न सक्ने एक, उसैको मुख मात्र हो !

नेताको मुख खुल्नाले, जनताको देश बन्द भो !!

रोज्नुपर्ने बेला आयो, नेताको मुख कि देश ?

देशै बन्द हुनुभन्दा, नेताकै बन्द होस् मुख !!

(स्रोत : Saptahik – Kantipur)