~उषा गिरी~
तिम्रो आगमनमा
गोधुलीमा फक्रदै
बर्षा ऋतुलाई लखेट्दै
सरद ऋतुलाई कोरल्दै
सर्बाङ्ग पग्लदै,छछल्किदै
उकुसमुकुस आएकी छौ ।
तीज
हामी तमाम नेपाली
किशोरीहरुको माझमा
यथार्थमा भन्नुपर्दा
हामी नारीहरुको पर्व
खुशीले छताछुल्ल पोखिदै
आकासिदै झाङ्गिदै
मन मन्दिरमा
छाएकी छौ ।
तीज
रङ्गिन रङ्गहरु लपेटेर
सुगन्धको मनमोहकसङ्ग
दु:खलाई साट्तै
खुशीलाई मनभरि अगाल्दै
छमछमी रातो साडी र फुर्के धागो
हरियो पोतेमा तिलहरी
छिन्द्रिङ्ग छिन्द्रिङ्ग बज्ने
हात भरि काचका चुरा
र पाउमा पाउजुको
झन्कारसङ्गै
हाम्रै मझेरीमा आयौ अनि
सुटुक्क माया लाएकी छौ ।
तीज
तिम्रो यो आगमनलाई
शुभकामना ।।।
उषा गिरी
चारपाने,झापा
हाल,ब्रसेल्स बेल्जियम ।।
(स्रोत : Pallawa.com.np)
