कविता : दैलो ढप्कि सकेछ

~राकेश कार्की~

खहरे हिंडदा हिंडदै झमक्क सांझ परेछ
हतार हतार पुगेछु दैलो ढप्कि सकेछ

बाटो बाटोमा तिम्रो पाईला खोजें
अश्रुको झरीले संभावना रुझे

धुनि तापि बसेका ए युगल जोडी
देखेनौ तिनीलाई सोंधे आश गरी

खहरे हिंडदा हिंडदै झमक्क सांझ परेछ
हतार हतार पुगेछु दैलो ढप्कि सकेछ

तिम्रो नाम लिंदै म चिच्याउंदै हिंडे
देख्ने सबैले मलाई बौलाहा भने

झ्याउंकिरी संगै विरह कराउने
जति सम्झ्यो उति मुटु चर्याउने

खहरे हिंडदा हिंडदै झमक्क सांझ परेछ
हतार हतार पुगेछु दैलो ढप्कि सकेछ

(स्रोत : Nepalikavita.com)