गजल : भरे नियत बिगारी कठोर हुन सक्छु

~मबि सिंह~

भरे नियत बिगारी कठोर हुन सक्छु !
तर अहिले बिश्वस्त जोर हुन सक्छु !

पछिल्ला क्रिडाका दाग सुक्दा नसुक्दै,
एकै क्षणमा फेरि फोहोर हुन सक्छु !

हतियारै किन चाहियो ? उल्क्याए हुन्छ
घाइते हुँदा हर्षले विभोर हुन सक्छु !

लुकीछिपी गर्दाको मीठो अनुभब छ
मौका दिने बित्तिकै चोर हुन सक्छु !

हाँक र हर्जाहरुका हेक्का हुँदाहुँदै
कहिले धेर कहिले थोर हुन सक्छु !

2008-06-15

(स्रोत : Tanneri.com )