~दिलिप साम्पाङ राई~
म आँसु पिएर मुर्छित हुँदा तिमी विजयउत्सव मनाइरहेथ्यौ
म वियोगमा छटपटाइरहँदा तिमी प्रणय बन्धनमा रमाइरहेथ्यौ
तिम्रो संसार बेग्लै रहेछ मैले कहिल्यै चिन्नै सकिन
पैसामा बिक्ने तिम्रो मायालाई मैले कहिल्यै किन्नै सकिन
म डाँको छोडेर रोईरहँदा तिमी उमंगको खित्का हाँसिरहेथ्यौ
म वियोगमा छटपटाइरहँदा तिमी प्रणय बन्धनमा रमाइरहेथ्यौ
मेरा यी आँखा नियालेर हेर पाउनेछौ चोखो मायाको छाप
मेरा यी धड्कन छामेर हेर पाउनेछौ साँचो मायाको भाव
म जीवनको आखिर सास लिइरहँदा तिमी भविष्य बनाइरहेथ्यौ
म वियोगमा छटपटाइरहँदा तिमी प्रणय बन्धनमा रमाइरहेथ्यौ
MARCH 8, 2011
९८५१०१९६०४
