कविता : रगत र पानी

~शिव प्रकाश~

मेरो देशमा
पानीको हाहाकार छ,
रगत भल्भल्ती बगेको छ
मेरो देशमा
रगत,
पानीभन्दा सस्तो भएछ !
मेरो देशमा
पानीका मूहानहरु
सुकिरहेछन्,
रगतका मूहानहरु
दिनहूँ फूटिरहेछन्
तिर्खाएको मेरो देश
अहिले रगतले
न्रि्रुक्क भिजेको छ !
मरो देशमा
रगतको जरुवा
घर-घरबाट फुटेको छ,
ओहो ! तिर्खाएको
मेरो देश
रगतले तिर्खा मेटिरहेछ !

हरैचा/मोरङ, हालः बोष्टन/अमेरिका ।
April 3rd, 2006

(स्रोत : HkNepal.com)