गजल : छोडी गयो

~विभोर बराल~

थाहा छैन कहिलेको हिसाब छोडी गयो

जिन्दगीले टेबलमा किताब छोडी गयो ।

आकासबाट दिन र रात गर्नेहरूलाई

जूनकीरीले सानो यौटा जबाब छोडी गयो ।

हिउँजस्तो सम्बन्धमा लाग्न थाल्यो आगो

उसले जब मुस्कानको दबाब छोडी गयो ।

क्रूर मुटुभित्र फुल्यो सिर्जनाको फूल

चेतनाले हेर कस्तो प्रभाव छोडी गयो ।

वषौर्ंदेखि कुरिरा’छु त्यही रातलाई

झसिमिसेमा जसले रातो गुलाब छोडी गयो ।

(श्रोत : मधुपर्क असार, २०६८)