~भूपी शेरचन~
मैले गाएको गीतमा तिम्रै हँसिलो मुहार छ
मैले लाएको प्रीतमा तिम्रै रसिलो प्यार छ
मेरो दिनको घाम हौ तिमि, मेरो रातको जून
मेरो अधरको गीत हौ तिमि, मेरो गीतको धून
मैले पाएको जीतमा तिम्रै जोशिलो पुकार छ
मैले लाएको….
मेरो यौवनको रुप हौ तिमि, मेरो रूपको शृंगार
मेरो यात्राको बास हौ तिमि, मेरो पथको आधार
मैले चाहेको निंदमा, तिम्रै सपनाको विचार छ
मैले लाएको….
शब्द: भूपी शेरचन
संगीत: नातिकाजी
स्वर: नारायण गोपाल र तारा देबी
