Tag Archives: सुरेन्द्र खौलराठी – Surendra Khaulrathi

~सुरेन्द्र खौलराठी~ हेर्दा हेर्दै मायाको आकार बद्लियो ! शनै: शनै: मेरो संसार बद्लियो ! थियौं हामी दुवै अलग अलग नदि , एउटै भई बग्न थाल्यौं धार बद्लियो !

~सुरेन्द्र खौलराठी~ चाहिएको बेला सरकार काम लागेन ! त्यो आफन्त त्यो नातेदार काम लागेन ! जिन्दगी एकतिर गयो सपना अर्कोतिर, विज्ञानको सुत्र पुराणको सार काम लागेन !

~सुरेन्द्र खौलराठी~ जलेछ कञ्चनपुर कटान जलेछ ! मेरो यादमा उनको सिरान जलेछ ! जलेथें कुनै दिन म एक्लै जहाँ, आज त्यहाँ उनको खानदान जलेछ !

~सुरेन्द्र खौलराठी~ कहिले बिपनीमा आयौ कहिले सपनीमा आयौ ! धोका दिन किन मेरो जिन्दगीमा आयौ ! न दिनमा हास्न सक्छु न रातमा सुत्न सक्छु, छटपटिमै बित्यो रात निदरीमा आयौ !

~सुरेन्द्र खौलराठी~ महाकाली किनारको शहर कस्तो भयो होला ! लाग्छ संधै भिमदत्त नगर कस्तो भयो होला ! मनभरी माया बग्थ्यो क्याम्पस रोडमा हिड्दा, कृष्णमन्दिर चौतारीको बर कस्तो भयो होला !

~सुरेन्द्र खौलराठी~ मेरो हातमा चिठी थमाई पराईको हात समाएर ! गइन उनि हासि हासि मलाई एक्लो बनाएर ! हेर्दा हेर्दै ओझेल परिन टोलाइरहें दिनैभरि, कहाँ पुगी हास्दै होलिन मेरो दिल रुवाएर !

~सुरेन्द्र खौलराठी~ बाँझो थियो दिल उनको मायाको बिउ छरे मैले ! साँचो माया गरि उनलाई के अपराध गरे मैले ! कहिले सम्म तड्पी बस्थें जवानीको मरुस्थलमा, कल्पनामा उनि संगै कयौं सागर तरे मैले !

~सुरेन्द्र खौलराठी~ कति माया गर्थें मैले, शंकालाई प्रीत ठान्यौ ! मिल्नु अनि छुट्टीनुलाई संसारको रीत ठान्यौ ! अन्धकारमा डुबेकोछ निर्दोष जिन्दगि यो, तडपाउदै हिंड्नुलाई पिरतीमा जीत ठान्यौ !

~सुरेन्द्र खौलराठी~ लगन जुरी सक्यो, बिहेको सुरसार हुनेछ ! जति रोउ तिमी अब, उस्लाई हतार हुनेछ ! जीवनभरी साथ दिने, साथी मिलोस तिमीलाई, दैव संग संधै मेरो, बिन्ती पुकार हुनेछ !

~सुरेन्द्र खौलराठी~ सङ्लो कुवा भेट्ने आश हरायो ! एक घुट्को पानी नपिई प्यास हरायो ! फूल फूल्ने बगैचामा पुतली मात्रै भेटिए, गन्थे हुँला जूनतारा आकाश हरायो !