Tag Archives: Shyam Lama

~श्याम लामा~ अती हिम्स्रक बाघ पनि हुनु नराम्रो कुहिरो भित्र काग पनि हुनु नराम्रो हिंड्ने बाटो पुग्ने लक्ष्य निस्चित छैन सबलाई पिर्ने नाग पनि हुनु नराम्रो

~श्याम लामा~ प्रभातलाई निचोरेर ढाकिरहे जस्तो लाग्यो प्रातलाई उत्साहमा डाकिरहे जस्तो लाग्यो मडारियो फर्किएर बादल फेरी यतै तिर असिना बर्षाउन ताकिरहे जस्तो लाग्यो

~श्याम लामा~ कसैको बास प्रबास नहोस् कहिल्यै जिबन हतास नहोस् साग र सिस्नु ढिडो आठो बेश अर्काको देशमा लाश नहोस्

~श्याम लामा~ जान थिएन मसानघाट आए हुँदै आफ्नै मलामी बटुल्न घारो जिन्दगीको धाए हुँदै आफ्नै मलामी बली रहन चाहेथे सँगै बनी दियो झलमल सल्किदै आएछ दागबत्ती लगाए हुँदै आफ्नै मलामी

~श्याम लामा~ देशभभक्ती छ भने मुटुमा शिर चढाउन सक्नुपर्छ ज्यु ज्यान प्राण माटोको खातिर चढाउन सक्नुपर्छ गर्छौ किन स्यालको रजाइ बाघको छालामा उठेर आफ्नो स्वार्थबाट पिर चढाउन सक्नुपर्छ

~श्याम लामा~ उराठ यो मरुभुमिमा आशु पिइ बांचे हजुर मुटु पोली खादा पर्साद सम्झी नाचे हजुर भरोशाका पर्खालाहरु आफसे आफ भात्किदिदा आशाका मुनाहरु नफक्रिदै भांचे हजुर