Tag Archives: शीतल कादम्बिनी – Shital Kadambini

~शीतल कादम्बिनी~ खै जालमा परेर गई की पारेर गई कसरी भनु मरेर गई, मरेर गई कि मारेर गई नयनको त्यो मदिरा मागेँ पिलाई दिई विचरीले सद्दे बानी बिगारेर गई

~शीतल कादम्बिनी~ देख्ने वित्तिकै मेरो मुटु ढुकढुक हुन्छ मसँग घाउ छ, तिमीसँग नुनचुक हुन्छ नखेल न मेरो मनसँग मनपरी तिमी नानी यो त, शिशा भन्दा पनि नाजुक हुन्छ ।

~शीतल कादम्बिनी~ ऊ आशीर्वाद सम्झेर थापिरहेछ थाहा छैन उसैलाई सरापिरहेछ खुब फस्टाएको छ प्रेमको व्यापार आजकल कतै जोखिरहेछ, कतै नापिरहेछ

~शीतल कादम्बिनी~ यन्त्र झै लाग्छन् शहरका मान्छेहरू कहाँ छ समवेदना पत्थरका मान्छेहरू उनीहरू आफूलाई निकै माथि छु भन्छन् तर कति तल देखिन्छन् अम्बरका मान्छेहरू