Tag Archives: सदानन्द अभागी – Sadananda Abhagi

~सदानन्द अभागी~ आज भोलि संसारमा सत्य तथ्य भागे हेर अमूल्य त्यो यौवन नै बिक्री हुन लागे हेर सत्यताको मार्गमा संसार यो चल्नु पर्छ सत्य मार्ग रुक्न गयो धर्मलाई दागे हेर

~सदानन्द अभागी~ प्रेमसिन्धु केन्द्रविन्दु पवित्रमूल जान हजुर अन्तर आत्मा मिलनमा महान्ता ठान हजुर चोरी चोरी हेर्दा मिल्छ मादकस्वाद मीठै मीठो मादकतामा पूर्ण हुन्छ रम्य संसार मान हजुर

~सदानन्द अभागी~ सुकर्मी र कुकर्मी त आपसमा लड्छन् सुकर्मीमा अग्नि हुन्छ कुकर्मी त डट्छन् सुकर्म ज्योति हो त्यसमा हुन्छ प्रकाश विद्वान्ले कर्मथलो बाटो लिई बढ्छन्

~सदानन्द अभागी~ तिम्रो चुरा बजे पछि मेरो निन्द्रा खुल्यो सानु आकर्षक शरीरले मेरो मन डुल्यो सानु मान्छे हेर कति छुचो आँखा तानी तानी हेर्छ दर्शनमा विह्वल भै यो मन मेरो झुल्यो सानु

~सदानन्द अभागी~ विकासको भाषण गर्न कुर्सी अघि पर्छौ नेता आठ दल मात्रै सर्बेसर्बा बन्दै अहङ्कार भर्छौ नेता शान्तिज्योति निभाउँदा अशान्तिले छो यो आकाश समाधान गर्नु कतै छैन भाषण मात्रै गर्छौ नेता

~सदानन्द अभागी~ मन भित्रको वेदनालाई पढ्न पाइएन जवानीको सुन्दर डाली चढ्न पाइएन सफल तिम्रो हितको लागि दिलभयो खाली प्रेमी दिलको मधु–गंगामा गढ्न पाइएन

~सदानन्द अभागी~ जिन्दगी छोटो ठाने जिउने रहर भयो मेरो घटना जति घटे घटुन् बाँच्ने ठहर भयो मेरो खडेरीले जति चुसेचुसोस् ओइल्याउने भा’छु आखिर पर्दा खडेरी नै सिञ्चित नहर भयो मेरो

~सदानन्द अभागी~ देशमा भेषमा केशमा पुष्प कमल झैं भेषमा सुन्दर तिम्रो मुहारमा आत्मा लुटिन्छ निमेषमा

~सदानन्द अभागी~ तिम्रो सुन्दर बगैंचामा गुलाफ फूल फुलेको छ मकरन्द पान गर्न भमरा त्यहाँ झुलेको छ धन्य रहिछ्यौ देवी तिमी रसातलमा पौडिएकी रसातलको पौडाइ हेर्दा विश्व मेरो भुलेको छ

~सदानन्द अभागी~ मेरी प्रिया रिसाउँछिन् आँखा नानी तरीतरी आँसु तिनले वगाउँछिन् म त हाँस्छु मरीमरी हाँसो रोदन संसारमा प्रकृतिको नियम हो दार्शनिकले अध्ययन गरेका छन् थरीथरी