Tag Archives: Radha Bhattarai

~राधा भट्टराई~ छिमेकीको हस्तक्षेपले घरमा ठूलो प्रभाव भो ! पठाई देउ उनलाई फेरि घरमा उनकै अभाव भो !! नसारी अब तिथिमिति सहमतिमा सबै आई ! संविधान लेख भन्दा तिमीलाई दबाब भो !!

~राधा भट्टराई~ भोट माग्दा खाको कसम भुल्ने तिमी कस्ता नेता ? लाज पचाई कुर्सी माथि झुल्ने तिमी कस्ता नेता ? शब्दका ती ब्यञ्जनले मख्ख पा-यौ जनतालाई ! विश्वासमा पर्दा झारी डुल्ने तिमी कस्ता नेता ?

~राधा भट्टराई~ कुमालेलाई आफ्नै हातको घमण्ड देखियो ! पण्डितलाई आफ्नै जातको घमण्ड देखियो ! ! गरिबको खुन चुसी महलमा बस्नेको ! हिरा, मोति, पैशा खातको घमण्ड देखियो ! !

~राधा भट्टराई~ बाँची रहे आउँछु प्रिया जहाजमा चढेर मरे भने आउँछु प्रिया बाकसमा सडेर सुरु गरौँ कहाँबाट परदेशको खबर चस्किन्छ यो मुटु सधैँ वचन ती गडेर

~राधा भट्टराई~ धेरै झुकेँ सम्झौतामा झुक्ने छैन अब ! धेरै चुकेँ विवशतामा चुक्ने छैन अब !! रहर र कहरमा प्रवाशको वास भो ! छुटेँ निकै कर्तव्यमा छुट्ने छैन अब !!

~राधा भट्टराई~ ईश्वर ! हाँसो खोसिएका ओठहरुमा मुस्कान लिई आउ धर्म ! नाममा लेखिएका भागवत र कुरान लिई आउ घाईते छन् धर्ति आमा क्षेप्यास्त्र र बन्दुकका गोलिबाट चाहिन्न् यस्ता बिकुलहरु हातेमालो विज्ञान लिई आउ

~राधा भट्टराई~ उनले सोधे मेरो बारे बाँचेकी छ भनिदिनु ! मनमुटुमा आशा धेरै साँचेकी छ भनिदिनु !! साँझपख मेरो यादमा उन्को आँखा रसाएमा ! बगरमा लाखौँ खुशी नासेकी छ भनिदिनु !!