Tag Archives: ममता मृगतृष्णा – Mamata Mrigatishna

~ममता मृगतृष्णा~ आफुखुशी म मरे भोली रुन्छौ कि नाइँ बा ! बलिन्धरा आँशुले पिडा धुन्छौ कि नाइँ बा ! सम्हालिएर आँफु, आमालाई सम्हाल्नु पर्दा कांपेका हातले मुहार मेरो छुन्छौ कि नाइँ बा !

~ममता मृगतृष्णा~ दिएर गयौ तिमी ,यो प्यार अनौठो एक्लो छू यहाॅ लाग्छ संसार अनौठो।। छैन स्पर्श कतै तिम्रो बहने पवनमा तर पनि म जिउने छ आधार अनौठो।।

~ममता मृगतृष्णा~ सिरानीले मुख छोपी रुँदा थाहा पायौ कि नाई ।। तिम्रो चिनो आँशुले धुँदा थाहा पायौ कि नाई ।। जहाँकही तिम्रो अस्थित्व मात्र भाग्य अपवाद भो यही पिरमा मा पागल हुँदा थाहा पायौ कि नाई ।।

~ममता मृगतृष्णा~ शरीर भित्र अझै पनि सास चल्छ तिम्रै नामको फर्किन्छौ कि कतै तिमी आश चल्छ तिम्रै नामको हलुङ्गो हावा पनि गर्हौ याद बोकी आउछ पलपल तडपाउन बताश चल्छ तिम्रो नामको

~ममता मृगतृष्णा~ दुवै मिली चुडाँइदिए तिनैलाई जोड्ने पूल थिएँ काँडा सोचें छन् कि कुन्नी म त केवल फूल थिएँ । भन्ने थिए होलान् सब्ले कति सुन्दर उपहार यो उपहार नी फाल्छ कोही, धत् म त भूल थिएँ।

~ममता मृगतृष्णा~ मैले राजी खुशी गरे तिम्लाई रजाएर लगे ।। तिमी सजिएर गयौ मलाई सजाएर लगे ।। म माल्किन झैँ बसिरहेँ लाटी अनी बहिरी भै तिम्लाई भने स-साना काम कजाएर लगे ।।

~ममता मृगतृष्णा~ आफ्नै बाजी जित्ने दाउ चाल्यौ तिमीले प्रेमको आगो झोसी झोसी गाल्यौ तिमीले सपना सारा मिठा थिए बुनिएका सजिएका इच्छा माथी वासनाको दिप बाल्यौ तिमीले

~ममता मृगतृष्णा~ आफ्नो जस्तै निष्ठुरी किन बानि सिकाएनौ ।। किन तिम्ले गरेजस्तै मलाई हानी सिकाएनौ ।। तिम्रो याद दिन रात आइरहन्छ, किन यहाँ लाग्छ यिनलाई तिमिले बैमानी सिकाएनौ ।।

~ममता मृगतृष्णा~ तिमी थियौ म थिंए, सिङ्गै एउटा रात थियो नशा होइन तर पनि कुन्नि के को मात थियो| त्यो अनौठो काउकुति त्यो झश्काइ छुवाईमा मेरो अंग अंग छुने केवल तिम्रो हात थियो |

~ममता मृगतृष्णा~ सेतो कपडा ओड्नेको सपना हुँदैन रे लाखौं हुन्छन् वरिपरि आफना हुँदैन रे। एउटै मान्छे मरि जाँदा संसार भासिने उन्को परिवार नामको त्यो वृक्ष अब घना हुँदैन रे।

~ममता मृगतृष्णा~ हिजो भोगे माया आज भोग्दै थिए घात सानु जल्दै गर्या आगो छेऊमा चिठीका ती खात सानु जून थिएन आकाशमा,रूॅदै होला लुकि कतै जिवन जस्तै अन्धकार र निष्पट्ट थ्यो रात सानु।