Tag Archives: कोमल भट्ट – Komal Bhatta

~कोमल भट्ट~ आज फेरि एउटा मुटु, टुक्रिएर रोएको छ जिन्दगीको खुसी हाँसो,निख्रिएर रोएको छ ll कसको आँखा लागेर हो, भताभुङ्ग भयो जम्मै प्वालै प्वाल पर्ने गरी उध्रिएर रोएको छ ll

~कोमल भट्ट~ (भुजङ्गप्रयात छन्द) सकेसम्म हामी रमाएर बाँचौ सधैँ नाम इज्जत् कमाएर बाँचौ नरोजौं छहारी उपेक्षा जहाँ छ नछुट्ने सहारा समाएर बाँचौ

~कोमल भट्ट~ परदेशीलाई धुरु धुरु रुवाएर गयो दशैं घर सम्झी आँशु मात्रै चुहाएर गयो दशैं अर्चना र पूजा आजा टिका टाला भन्दै सजाएका सपना हरु तुहाएर गयो दशैं

~कोमल प्रसाद भट्ट~ कतै मस्ती कतै पीडा, कतै बस्छन गुनासाले कतै भोका कतै प्यासा, कतै रुन्छन निराशाले सबैको जिन्दगी लाग्यो, कथा उस्तै व्यथा उस्तै दगुर्दै छन दिनै पिच्छे, सबै ठूला सुखाशाले

~कोमल प्रसाद भट्ट~ आफ्नो प्यारो आँगनीमा,नटेकेको धेरै भयो कस्ती भईन जन्मभूमि,नदेखेको धेरै भयो डाँडा काँडा पहरामा,घुम्थ्यौँ अति रमाउँदै देउरालीमा चोखो ढुङ्गो,नभेटेको धेरै भयो

~कोमल भट्ट~ छिमेकीहरूले डसेका डस्यै छन् सधैँ तीक्ष्ण छुरी धसेका धस्यै छन् ll निजी स्वार्थ मात्रै छ नेताहरूमा रिझाएर चिल्लो घसेका घस्यै छन् ll

~कोमल भट्ट~ दुख्दछ जिन्दगी दुखाइ दिन्छु आँसु छ नेत्रमा चुहाइ दिन्छु रात र दिन नै भयो अशान्ति सक्दिन हाँस्न नै रुवाइ दिन्छु

~कोमल भट्ट~ छिमेकी छ लुच्चो दियो लात धेरै सधैँ गर्न थाल्यो खुराफात धेरै ll छुरी तीक्ष्ण धस्दा दुख्यो भित्र हाम्रो मिलेको छ धोका तथा घात धेरै ll

~कोमल भट्ट~ सुका मानु घिउ खाएँ,भन्नु हुन्थ्यो बाले अठन्नीमा लुगा लाएँ,भन्नु हुन्थ्यो बाले ईमान्दारी थिए धेरै,जाली फटाहा भन्दा शान्ति सँग बाँच्न पाएँ,भन्नु हुन्थ्यो बाले