Tag Archives: करुण थापा – Karun Thapa

~करुण थापा~ मेरो दुःख नाप्ने कुनै माना नभएर पो त खाँदैछु म हजार चोट खाना नभएर पो त भजन गाएँ लोरी गाएँ सुतेनन् ती भोका बच्चा पेट भर्ने कुनै पनि गाना नभएर पो त

~करुण थापा~ अमृत पिउने कोही अमर नहुन नि सक्छ ‌औषधिको राम्रो असर नहुन नि सक्छ तिम्रो भागमा खुसी पर्दा मेरो हात खाली सबको भाग्यमा बराबर नहुन नि सक्छ

~करूण थापा~ दुश्मनसँग सुख दुःख, आदान प्रदान चलेको छ । लैजाऊ नाउ मझधारमा, आज तूफान चलेको छ । बाँच्न गाह्रो भयो झन् झन् मर्न भने सजिलो भो घर चल्न छोडेको छ, तर मसान चलेको छ ।

~करूण थापा~ कहाँ रुन्थें आँसु झार्दै पुछ्ने हात हुँदो हो त । तिमी विना बाँच्न सक्ने मेरो आँट हुँदो हो त । बेहोशी मै जीवन काट्थें तिमीलाई सम्झिएर जुनी जुनी बेहोश गर्ने यस्तो मात हुँदो हो त ।

~करूण थापा~ भित्र गोरो मन छ मेरो, कालो छालै भो त के भो । दूध कालो हुन्न कैले, गाई त कालै भो त के भो ॥ याद तिम्लाई गर्न छाडें, आँसु मेरो बग्न छाड्यो आज पैलो पल्ट हाँसें, घाउ आलै … Continue reading →

~करूण थापा~ जिन्दगीमा थरिथरि रंग घोलि दिन्छन् उनी । एउटा ढोका बन्द गरे अर्को खोली दिन्छन् उनी । अमूल्य छ जिन्दगी यो त्यसै खेर फाल्नु हुन्न हजार जुनीपछि मात्र यस्तो चोली दिन्छन् उनी ।

~करूण थापा~ तिमी छेउ छैनौ भन्ने आभासले चोट लाग्छ । टुक्रिएको फूल हुँ म बतासले चोट लाग्छ । धेरै रोएँ जिन्दगीमा अब पत्थर हुन्छु भन्थें यति कोमल मन छ कि कपासले चोट लाग्छ ।