Tag Archives: Chomu Sherpa ‘Khusi’

~चोमु शेर्पा “खुशी”~ कोहि दिलभित्र बस्ने अनुमति लिन्छन् र जान्छन् जब बस्छन् अनि अथाह चोट दिन्छन् र जान्छन आत्मीयता बढाएर हिड्छन यात्रामा सहयात्री जब दोबाटोमा पुग्छ अनि छुटिन्छन् र जान्छन्

~चोमु शेर्पा “खुशी”~ बेमौसमी बर्षातमा रुझ्ने रहर छ जूनसंग बादलमा लुक्ने रहर छ। रहरै रहरको खुल्ला आकाशमा चरी जस्तै स्वतन्त्र उड्ने रहर छ।

~चोमु शेर्पा “खुशी”~ शब्दको मान्द्रो शब्दकै डोको शब्दकै डोरी बाट्ने रै’छ लेख्नेहरुले त शब्द भित्रनि सुन्दर शब्द छाट्ने रै’छ मन भित्रको बेदनालाई रचनाको स्वरुप दिई अक्षर अक्षर सित आफ्ना सन्तुष्टिहरु साट्ने रै’छ

~चोमु शेर्पा “खुशी”~ आँसु र हासोमा कति फरक हुँदो रहेछ मान्छे मान्छेमानी मति फरक हुँदो रहेछ चोट पुर्याउने जीवनमा एउटै भए पनि प्रत्येक पलको क्षति फरक हुँदो रहेछ

~चोमु शेर्पा “खुशी”~ म चाहान्छु मलाई सम्झेर ती आँखामा आँसु नझरोस् तिमी दुखेको खबर मेरो कानले अब सुन्न नपरोस् बिगत कहिल्यै बर्तमान हुन सक्दैन त्यसैले त्यो सुन्दर मनले बिगत सम्झेर गुनासो नगरोस्

~चोमु शेर्पा “खुशी”~ सचेत बन्नुस् आजकल घर भित्रै बलत्कारी हुन्छ सजाय दिने कानुनको पनि पैसै सित साझेदारी हुन्छ ठुला विद्वानहरुबाट कथनमा त सुनेकी थिए त्यहीँ हुन्छ हत्या हिंसा जहाँ धेरै बेरोजगारी हुन्छ