Tag Archives: अनन्त लम्साल – Ananta Lamsal

~अनन्त लम्साल~ छाती भित्र घाउ उस्तै उदास-उदास आँखा होलान् आँधी जस्तै यी सुस्केरा पक्कै मेरा बा’का होलान् बा’का स्वप्न कुल्ची हिँड्दा थाहा थे’न बुझेँ आज भन्नुहुन्थ्यो ‘बाबु भोलि तेरा पनि छोरा होलान्’

~अनन्त लम्साल~ यो जमाना उल्टो रै’छ अत्तर भन्दै तेजाव बेच्छन । अचम्म छ मान्छेहरु काँडा चुमी गुलाव टेक्छन ॥ अब तिमी यत्ति धेरै दु:खी हुनु राम्रो हैन , यस्तै हुन्छन ब्यस्त मान्छे बोल्दैनन् न जवाफ लेख्छन ।

~अनन्त लम्साल~ सक्छौ भने मायाको शंखनाद गरिदिनु । सक्दैनौ त मेरो मुटु आजाद गरिदिनु ॥ तिमी मेरी हुनै पर्छ भन्ने केहि छैन अलिकती माया दिनु र याद गरिदिनु ।

~अनन्त लम्साल~ ज्योती बनेर बस्नू आभा छरेर भोलि । चाहे म दूर जाऊँ सागर तरेर भोलि ॥ जीवन हुँदैछ कालो रातै छ आज साथी, लाँदैछ चाँदनीको स्यूँदो भरेर भोलि ।

~अनन्त लम्साल~ बर्षा शिसीर साथै, खुल्दो बसन्त तिम्रै । संसार आज तिम्रो, चर्चा दिगन्त तिम्रै ॥ बिर्सेर मार्ग ज्ञानी, प्यासी एकै नजर् को , झूकेर पाउ पुज्छन्, योगी महन्त तिम्रै ।