Tag Archives: अमृत थिङ – Amrit Thing

~अमृत सिङ थिङ~ भेना हरायो साली हरायो छैन गोठालो बाली हरायो छानो खोज्न छोरा शहर पस्यो यता घरमा पाली हरायो

~अमृत सिङ थिङ~ तिमीले ठिक भन्यौं मेरो औकात यहि हो बजारमा जे हल्ला सुन्यौं सहि बात यहि हो भनेको जस्तो परिवर्तन के गर्न सक्छौं ? काम गर्ने दिन अनि सुत्ने रात यहि हो

~अमृत सिङ थिङ~ हामी परदेश आ’को रहरले हैन गाउँले जाऊ भन्या हो शहरले हैन यती धेरै माया गर्छु कसरी देखाऊ माया मुटुले गर्ने हो नजरले हैन

~अमृत सिङ थिङ~ मलाई मेरै हालतमा छोडेर तिमी जाऊ केही हुन्न बाचा कसम तोडेर तिमी जाऊ म परदेशमा भएको बेलामा जाँदैछौ रे खर्च नहोला सन्दूक फोरेर तिमी जाऊ

~अमृत सिङ थिङ~ प्रयास गरेर हेर सफल हुनसक्छ एक बदमास पनि असल हुनसक्छ हरेक व्यक्तिसंगको भेट सम्झने गर जिन्दगीलाई बदल्ने पल हुनसक्छ

~अमृत सिङ थिङ~ पानी पिउने वहानामा पँधेरीमा भेटौंला तिमी धागो म तेल साथै अँधेरीमा भेटौंला आउँदा जाँदा खेरी बाटोबाट सिट्ठी नफुक मेला जाने निहुपारी खेत बारीमा भेटौंला

~अमृत सिङ थिङ~ थाक्दैन दुई आँखा हेरेर तिमीलाई राखेको छु ,परेलाले छोपेर तिमीलाई बनेर माली मनको बिशाल बगानमा देख्दैन कसैले राख्याछु रोपेर तिमीलाई

~अमृत सिङ थिङ~ जिन्दगीको जहाज त्यँही बेला डुबेको थ्यो जहिले मेरो मन तिम्रो मायामा झुकेको थ्यो मैले बार बार तिमी सँग धागो मागी रहें जहिले हातबाट चङ्गा आकाशमा उडेको थ्यो

~अमृत सिङ थिङ~ तिम्रो चुलोमा खरानी छ र पो ! दशैं आउँदा रमाउँछौ आफ्नै चलन चलनी छ र पो ! दशैं आउँदा रमाउँछौ अघाउने खाई रमाउँदै आफ्नै आफ्नाहरूको माझमा मस्त निन्दाको सिरानी छ र पो ! दशैं आउँदा रमाउँछौ

~अमृत सिङ थिङ~ कहिल्यै नटुट्ने पत्थरको दिल भई दिएको भए कैद भई बस्थें मुटु भित्र जेल भई दिएको भए पक्ष र विपक्षको समर्थक हुनु नै किन पर्थ्यो र? मैदान भित्र जितको मात्र खेल भई दिएको भए

~अमृत सिङ थिङ~ प्रीतिको फूल रोप्न मायाको बारी चाहिन्छ । नारी जस्तो देख्न नारीलाई सारी चाहिन्छ प्रेममा पागल ,पागल प्रेमीहरूलाई डाक्टर हैन प्रेमको छहारी चाहिन्छ

~अमृत सिङ थिङ~ मनको ढोका फोरेर उ दिल भित्र पस्यो आत्मा समर्पण गरेर जेल भित्र पस्यो अजात घुमिरहने माछाको एक बथान माझी दाइले खेलिरहने जाल भित्र पस्यो

~अमृत सिङ थिङ~ साँझ उही रात पनि आभास नयाँ थियो कुमारीत्व सुम्पीने समवास नयाँ थियो सुस्त सुस्त पाइलाहरु समीपमा हुँदा यौन लीला डुबुल्कीमा मधुमास नयाँ थियो

~अमृत सिङ थिङ~ गिट्टी बालुवा चाल्नेको घर हुँदैन आफ्नै भन्ने आफन्तको भर हुँदैन देशको माया खोज्न परदेश जानू सबै नेपाली तेरो मेरो थर हुँदैन

~अमृत सिङ थिङ~ हजार चोट स्विकारे थें तिम्रो हाँसोको लागी आफ्नो भारी घटाएँ थोरै तिम्रो नासोको लागी अँध्यारोमा साथ खोज्दै भुतारिएँ चारै तिर हरेक अंग पल्टाई दिए तिम्रो चासोको लागी

~अमृत सिङ थिङ~ तिम्रो न्यानो अगाँलोले मलाई बोलाई रहन्छ चञ्चल तिम्रो आखाँहरु सधै सताई रहन्छ काउकुती पो लाग्न थाल्छ मेरो सामु तिमी हुँदा त्यसैले त लाजहरु सधै शर्माइ रहन्छ

~अमृत सिङ थिङ~ झिम झिम परेलीमा गाजल सुहाउँछ झरी पर्दा आकाशमा बादल सुहाउँछ हाम्रो दुई पाइला जहाँ जहाँ टेके पनि शिर माथी सजाउन नेपाल सुहाउँछ

~अमृत सिङ थिङ~ म आगो हुँदा खेरि तिमी पानी बन्नु प्रिया अधेंरी रात पछिको बिहाँनी बन्नु प्रिया हामी दुइले टेक्ने जिन्दगीको पाइलामा एउटा कथा लेख्नु छ कहाँनी बन्नु प्रिया

~अमृत सिङ थिङ~ गर सानू बन्द बस्त आउदैछु साँझमा आज तिर्खा र पानी मात्र , हुनुपर्छ साथमा आज हजारौं रातहरु बिताएँ सम्झनमा पौडेर निदाउनु छ मस्तले तिम्रो न्यानो काखमा आज

~अमृत सिङ थिङ~ जहाँ म प्रेमलाई फूलेको देख्छु लाखौं जवानहरू भुलेको देख्छु ।। कोमल ति फूललाई डस्नेहरु