Tag Archives: आवाज शर्मा – Aawaj Sharma

~आवाज शर्मा~ घुमी रहेछ फनफनी दीवारको घडीसरी कहाँ थियो कहाँ पुग्यो यो जिन्दगी नदीसरी रहेछ दाग छातीमा बनेर याद बल्झियो बढेर जान्छ घाउ झन् ऊ सङ्गको दूरीसरी

~आवाज शर्मा~ दुनियाँले देख्दो रै छ छुरा नजाती । नियत खराब हुने नै हो पूरा नजाती ॥ एकैछिनको साथ दियो जुनीभरको याद । मनपरेको मान्छेको यही कुरा नजाती ॥

~आवाज शर्मा~ ढुक्क भै जिउने जब रहर आयो ढल्किँदो जिन्दगी नजर आयो आँशु झैं पिइदिएँ नदी सारा फेरि भक्कानु भै बगर आयो

~आवाज शर्मा~ आज मेरो जिन्दगीमा रातभन्दा के छ बाँकी ? या तिमी छौ या त तिम्रो घात भन्दा के छ बाँकी? गल्ल हाँसे मूर्खतामा छोइ आफ्नै घाउ सारा.. खोज्छु केही मात्र पीडा खात भन्दा के छ बाँकी?

~आवाज शर्मा~ माया भन्नु बत्ती न हो लोभिने त सँगै हो नि ! पर्ख पर्ख हे पुतली होमिने त सँगै हो नि !! यिनै दुई नजरभित्र हजार आशा बाँचेका छन् ! कतै हाँसो कतै आँशु पोखिने त सँगै हो नि … Continue reading →

~आवाज शर्मा~ ° कालो निशाले सोध्यो, ‘तेरो उदेश्य के छ ?’ मैले जवाफ सोच्दा, झलमल उषा भएछ ॥ ° कस्तो अथाह तिर्खा, जल्दैछ भित्र केही । ज्वाला निभाऊँ भन्दा सागर स्वयं जलेछ ॥

~आवाज शर्मा~ ढुक्क भै जिउने जब रहर आयो ढल्किँदो जिन्दगी नजर आयो आँशु झैं पिइदिएँ नदी सारा फेरि भक्कानु भै बगर आयो

~आवाज शर्मा~ जयगान उस्कै थियो चाहे हातमा छुरा होस् न ! त्यो जुंगाको कदर हुन्थ्यो बोलेपछि पुरा होस् न !! ॰ खडेरीको बालुवामा व्यर्थै पानी राखिएछ । पसिनाले पाउँथ्यो न्याय मानो रोपी मुरा होस् न !!

~आवाज शर्मा~ सुक्दै गयो सागर र पो के हो बगर थाहा भयो । के खोजियो के भेटियो आफ्नो रहर थाहा भयो ।। प्रत्येक दिन मन्दिर पुगी ढुङ्गो पुजेँ भाकल गरेँ । ढोकै अघि माग्ने जुलुश देखेँ असर थाहा भयो ।।

~आवाज शर्मा~ • यही जिन्दगीको खजाना रहेछ नयन आँशुको कारखाना रहेछ • म उस्तै छु उस्तै छ आकाश मेरो फगत बदलिएको जमाना रहेछ

~आवाज शर्मा~ ॰ बोल्न पा’को छैन अझै मनले खा’को किन होला ? जति बिर्सूँ भन्छु उस्कै याद आ’को किन होला ?? ॰ नजिक जाऊँ तर्किहाल्छे, बोल्न खोज्यो झर्किहाल्छे । नदेखे सास फेर्नै गाह्रो यस्तो भा’को किन होला ??

~आवाज शर्मा~ जहाँ चस्स दुख्थ्यो उहीँ मुस्कुरायौ । छ कस्तो रहस्यऽ मसङ्गै लुकायौ ।। सक्यौ थाम्न भाला हजारौँ थरीका । दुख्यौ किऽ त भन्दै यता सुम्सुम्यायौ ।।