~रवीन्द्र शाह~
कुखुरा बास्यो बिहानी हाँस्यो
फेरि प्रीति लाउँछ्यौ कि लाउँदिनौ ?
फूल फुल्यो बासना चल्यो
फेरि माया आउँछ्यौ कि आउँदिनौ ?
लेक बेँसी ढाकिहाल्यो लहराले आज
मुख छोपी पछ्यौरीले किन मान्छ्यौ लाज ?
पङ्ख खोली मुजुर नाच्यो
मेरो गीत गाउँछ्यौ कि गाउँदिनौ ?
पहरालाई शितल दिने छहराको पानी
गाई बाछो धपाई हिँड्ने सुकुमारी नानी
फूल टिपी माला त गाँस्यौ
मेरो आशिष पाउँछ्यौ कि पाउँदिनौ ?
शब्द :रवीन्द्र शाह
स्वर / सङ्गीत : नातिकाजी
