~वासु शशी~
यो रूख यतिमात्रै होइन
जति कि देखापरेको छ !
योसँग आफू सुकेर जाने अवस्था छ
आगामी वसन्त पनि छ !
यसलाई उताबाट हेर
यसको अर्कोर्को आकारलाई हेर !
योसँग दाउरेका दुइ चार छाक छन
आफू नहुनु पनि छ !!
यसको छायालाई केही बेर काखमा उठाऊ
र स्पर्शको कम्पन देऊ !
योसँग आफू हुनुको बोध छ,
हावा लाग्नुको खल्बली पनि छ !
यो रूख यतिमात्रै होइन
जति कि देखापरेको छ !
यसका पातहरू जे खोजेर मर्छन
योसँग तिनका अभाव पनि छ
(स्रोत : वासु शशीको कवितासङ्ग्रह ‘यस्तो यौटा फूल चाहिन्छ’बाट साभार गरिएको )
