~वासु शशी~
यहाँ यस बस्तीमा श्री जो रूखहरू खड़ा छन्
सो यही भन्छ कि धरती यहाँ पनि बाँकी छैन,
कि प्रकृति यहाँ पनि निथ्रिसकेकी छैन !
र यहाँ पनि यी रूख रूख नै हुन्
सो शायद यही सावित गर्छ
कि यो ठाउँ पनि जंगल बन्न सक्छ !
जे होस, वन छाडेर यी सब
शहर घुम्न आएका छन्
घरबाट भागेका हाम्रा छोरा-छोरीजस्तै !
यहाँ अब यही सम्झिने छ
कि रूख हैनन यी रूखहरू
क्वै’ अर्कै हुन्,
अर्कै, कदाचित् हावा र छायाँका व्यापारीहरू !
(स्रोत : वासु शशीको कवितासङ्ग्रह ‘यस्तो यौटा फूल चाहिन्छ’बाट साभार गरिएको )
