~चेतनारायण लामिछाने ‘जिज्ञासु’~
जे भए नि होस् भित्र खोल राम्रो भए हुन्छ यहाँ
यस्तै छ संसारको हाल मित्र समूह हाम्रो भए हुन्छ यहाँ ।
योग्यताको कदर हुन्न चाप्लुसी गर्न सके हुन्छ यहाँ
झुठो कुरा बदर हुन्न साँचो रुन्छ यहाँ ।
समुद्रमा आगो लाग्यो भने साँचो हुन्छ यहाँ
हत्या हिँसा आतङ्क त कहिले खाँचो हुन्छ यहाँ ।
अपराधी हाँसिरहन्छ सिधा साधा रुन्छ यहाँ
मान्छे ठग्न नजाने त लाजै मर्नु हुन्छ यहाँ ।
साँचो व्यवहर गर्ने भए नआए नि हुन्छ यहाँ
राम्रो काम गर्छु भन्ने धुरु-धुरु रुन्छ यहाँ
वास्तविक कुरा गर्ने आफै पङ्गु हुन्छ यहाँ
सत्यवादी युधिष्ठिरको कुरा कस्ले सुन्छ यहाँ ।
सही निसाफ हुँदै हुन्न जे गरे नि हुन्छ यहाँ
शक्ति भए जो सुकैले जे गरे नि हुन्छ यहाँ
गर्न सके जो सुकैले जे गरे नि हुन्छ यहाँ ।
– 3rd September 2011
