~अलका मल्ल~
सुत नानी सुत अबेर भो
अंधेरी झ्याप्पै छाई सक्यो ।
टि.भी. धेरै हेर्न हुन्न
समयको पालना हुन्न ।
भोली सबेर उठेर
गृहकार्य गर्नु छ ।
संधै दाँत माझ्नु पर्छ
हात खुट्टा धुने गर्नुपर्छ ।
फोहरी हुने बानीले
स्वास्थ्य राम्रो हुन्न है ।
सफा लुगा लगाउने
किताब मिलाई राख्ने ।
धेरै पढ्ने नानीलाई
सबैले माया गर्नुहुन्छ ।
भोली काका आउनु हुन्छ
कापी, कलम ल्याउने छ ।
काकीले मिठाई ल्याउने छ
मामाले झोला ल्याउने छ ।
नानीको राम्रो बानीले
माइजुले घुमाउन लाने छ ।
नानी धेरै पढ्नुपर्छ
ठूलो मान्छे बन्नु पर्छ ।
एकदिन यो देशको माटो
नाम र शान राख्नु पर्छ ।
-कान्तिपथ, काठमाडौं
(स्रोत : रचनाकार स्वयंले ‘नयाँ रचना पठाउनुहोस्‘ बाट पठाईएको । )
