~राम विक्रम थापा~
नयाँ बोतलमा
पुरानै रक्सी भरेर
किन ल्यायौ तिमीले
रक्सी पिउने मान्छे
म कहिल्यै बोतल खाँदिन,
बिना आमन्त्रण
तथाकथित पाहुना भएर
अखाद्य र विषालु कोसेली
ख्वाएर हरेकसाल मार्ने
तिम्रो षड्यन्त्र स्वीकार छैन ;
रामको भेषमा
रावणको करतूत बोकेर
त्यही कंश, कृष्ण बनेर
आयु घटाउन एक वर्षफेरि, किन यहाँ नकच्चरो <
आकर्षक पहिरनमा
नयाँ दुलहीको नखरा
रतिक्रियामा सल्केर
मैले पुनः आफूलाई
एड्स सारेर मार्नु छैन ।
Ram Bikram Thapa
Address : Faktung-2 Khotang
(स्रोत : अभिव्यक्ति – दुइ महिने साहित्यिक पत्रिका – वर्ष 45 | पुर्णाङ्क 87 | Paush-Magh,2062)
