~जीर्ण भागेदार~
१. चित्त बुझाएँ
नदुख्ने मुटु बेसरी दुखाएँ
के–के सोचेँ, आँसुले भिजाएँ
उनले मलाई नहेरे पनि
मैले हेरेरै चित्त बुझाएँ ।
२. पागल बनियो
फक्रेको फूल उनैलाई भनियो
हजारौँहजारमा उनैलाई गनियो
कसो–कसो गरेर तर्केर गइन्
हिजोआज यसरी पागल बनियो ।
३. सोमरस धोक्छु
खल्तीभरि उनैका फोटा बोक्छु
देउरालीमा गएर देउता ढोग्छु
तैपनि शान्त हुँदैन यो मन
भट्टीतिर गएर सोमरस धोक्छु ।
४. धोका दिइन्
नपिउने पानी नजानी पिइन्
हिजोसम्म उनी मेरै थिइन्
मनमुटु साटिन् र डाँडा काटिन्
बेरोजगारी भएँ, धोका दिइन्
—ओखलढुङ्गा
