गजल : विग्रिएको कारण देखाउँछ

~नेकी धनेन्द्र~

यो देश विग्रिएको कारण देखाउँछ ।
उ नेताहरुको उदारण देखाउँछ ।

सत्ता, शक्ति र सम्मान खोज्नेहरुलाई
फोटोले पनि आफ्नो न्वारण देखाउँछ

विदेशी डलरले भुँडि भर्नेले पनि त
खैरे बोलाएर सर्बसाधारण देखाउँछ ।

मैले कलम उठाएको देखेर नेकी–
फलाम ठोक्दै गरेको आरण देखाउँछ ।

कवि भन्ने कि टेलिभिजन भन्ने ?
घट्ना घटेपछि प्रसारण देखाउँछ ।

(स्रोत : रचनाकारको ब्लगबाट सभार)