~रमेश पौडेल~
के बर मागी फर्क्यौ भन तिम्ले पुज्ने देउतासित
दुनियालाई नभने नि भन्न हुन्छ एउटासित
मन्दिरबाट फर्किएकी हातमा फूलको थाली रै’छ
निधारको टीकामाथि सिउदो त्यसै खालि रै’ छ
बर माग्दा सिन्दुर माग्नु दिन्छन् भने देउतासित
दुनियालाई नभने नि भन्न हुन्छ एउटासित
जिन्दगीमा कसैसाग आखिर नाता जोड्नै पर्छ
अरुलेझैं तिम्ले पनि जन्म घर त छोड्नै पर्छ
स्वर्ग जस्तै घर माग्नु दिन्छन् भने देउतासित
दुनियालाई नभने नि भन्नै पर्छ एउटासित !
शब्द: रमेश पौडेल
स्वर: रामभक्त जोजिजू
संगीत: नारायण रायमाझी
