~अजितकुमार धिमाल~
फुरु झेङफुरु जेङ्नु कि
फाइसालाम पुखे,
तालि फाइसालाम नु कि
तालि जेङ्खे ।
एन्साङ,
धेमालाइता चेतना लोनु कि
संघर्ष जेङ्खे,
संघर्ष पानु कि
मुक्ति निङ्खे,
फुरु झेङफुरु जेङ्नु कि
फाइसालाम पुखे,
तालि फाइसालाम नु कि
तालि जेङ्खे ।
केलाइ एता चेतना विहिन
संघर्ष पान्हाखे
संघर्ष विहिन
मुक्ति भोन्हाखे,
कालाउ हेसा जेनावा संघर्ष ?
हेसा जेनावा मुक्ति ?
फुरु झेङफुरु जेङ्नु कि
फाइसालाम पुखे,
ताली फाइसालाम नु कि
तालि जेङ्खे ।
केलाइ ए कालास मापढिसिङ
ना कालास पढिलि भोन्हाखे
धिमालवाद,
आदिवासिवाद माबुझिसिङ
साम्यवाद र पुँजिवाद
भारि धान्हाखे
कालाउ हेसा ल्वावा चेतना,
हेसा जेनावा संघर्ष,
हेसा ज्यावा मुक्ति
फुरु झेङफुरु जेङ्नु कि
फाइसालाम पुखे,
तालि फाइसालाम नु कि
तालि जेङ्खे माकुनु …..???
अजितकुमार धिमाल
बेलबारी ९, काकुम
(स्रोत : धिमाल डट कम)
