~डम्बर धिमाल ‘प्रकृति’~
समयेसाल्ता इस्का हिघाखे
बोमि पार्हालाइहेङ सादुल्लि मापिघाखे
दुल्पानु न्हाँम्खे, बोजात दिर मामानिकाआङ
काथङ्काल दुल्हेपानु साता हान्ति जेङ्का दोका
आजु आजाइको उक्ति परम्परा हि
दुल्का काथा हाइपालि
मानाल्काहेङ सालेङसोङ घुरि पागिल्घाखे
एन्सालाउ आजुआजाइको गान्धाताङ नाल्का
अचुक सक्ति हिघाखे ।,,
धेम्लाइको सा:सालेङ नुहें ह्राइपितेङ धाम्का
पुर्खौलि संस्कार संस्कृति पिताइका हि
हाइदोङ काम सुरुपा पुजा पालाबुङ नुहेंङ
ह्राइपितेङ देउन्या परम्परा जोरेन्हाका हि
र्हिमाको सान्हेंखान्तेङ दो न्हिसिन्ताको
झेङ्फुरु खान्तेङ
यासेहेङ दोङ धेम्लाइको साइत मानेका हि ।,,
सा: दो ग्रामथान
दिर हिका कोठाता
ढोका आगारि योम्लि जालि माएल
दिर बारा द्द्याहेङ
हानिका लोका दामा तापिलि गोइका आङ
झन् खिद्खिदाइपा घालि माएल
एन्सा पानु दिर कोचाखे दोका उक्ति हि
झन् बोजात दुल्पाका काथाङ मान्थुला ।,,
ओथे माम्पा,
सिरजात जातिरि लागि पान्हाखे
पार्वाता साकिपाङ कुल पुजा पान्हाखें
देरा तोम्पा थान्ता बोजात दुल्पाका मान्थुनाहि
केलाइं धेम्लाइको इदिताङ सत्य हि
अझै रेम्फा दोनु महाराजको महान सक्ति हि
हासुबुङ एलाथेकेपाङ दुल्लि आट पाका मान्थु
दुल्पाका बुङ मान्थुनाहि,
एसाङ्ते धेम्लाइं दोनु
धर्मराजा धाते- धातेङ लोखे
सालि बेराङ नोतेङ खाङ्खें
केलाइता ग्राम दिरको धार्मिक सहिस्नुता
जाबासिपाङ मालाआका परम्परा जोरेन्हाका हि ।,,
या काथा गिसु आउ जामालाइ
ताइको संस्कार संस्कृति रो नाल्पाका
बाँन्चिपालि भोसुखेना सराभरि पासुखेना
एन्सा पानु हेसा जेनावा
साराप लागिखें आउ एन्सा मापासु
ताइको अस्तित्वको लागि
लाम्पोइलिङ गिलि गोइखे
धार्मिक आस्थाताङ विस्वास पातेङ
बुझिलि गोइखे
कालाउ खिनिं दिर्घरुपता
बाँन्चिपालि दोवखें
ताइ खामाल ऐतिहासिक
इदिताङ पुर्खा, आजुआजाइको
काथाता सत्य हि
इदिताङ केलाइको सभ्यता
इतिहास परम्परा जोरेन्हाका हि ।,,
***
डम्बर धिमाल ( प्राकृति )
नपा. उर्लाबारी-८ मोरङ दुर्गापुरी मेहरी चोक ।
हाल: बहराइन ।
(स्रोत : धिमाल डट कम)
